ಗತ ಸಾಲುಗಳು – ೧

ಹೆಸರೇ ಸೂಚಿಸುವಂತೆ ಇದು ಎಂದೋ ಬರೆದು ಮರೆತು ಹೋದ ಸಾಲುಗಳು. I’m grateful to Facebook Memories for reminding me of these lines.

Written on April 28, 2014

ಕನಸಿನೆಣ್ಣೆ ತುಂಬಿ
ತುಳುಕಿದೆ,
ಬಾಳ ದೀಪಬೆಳಗಲಿಲ್ಲ….

~

ಇರಲಿ ನಿನ್ನ ಮೊಗದಲ್ಲೊಂದು
ಮುಗುಳ್ನಗು,
ನಕಲಿಯಾದರೂ,
ನನ್ನ ಮುಖವಾಡದಂತೆ …

~

ಆ ಸಮುದ್ರ ತಟ
ಇಂದೂ
ಬಾಯಾರಿಯೇ
ಇತ್ತು

ಹುಸೇನಿ ~

Kannada Kavanagalu – ಕನ್ನಡ ಕವನಗಳು

ಅಂಬೆಗಾಲು

ಒಲವು ಬಲಿತು ಕೂಸಾದ
ಜೀವಕ್ಕಿಂದು ತೊದಲ ಅಂಬೆಗಾಲು;
ದಿನ ಎಣಿದು ಮನ ಕುಣಿದು
ಅಪ್ಪನ ಆಕಾಶ ತುಂಬಾ ಅಲೆ ಸೆಳೆವ ಕಡಲು!

~ ಹುಸೇನಿ

ಕನ್ನಡ ಕವನಗಳು – Kannada Kavanagalu

ಬಿಂದು – 26

ಮಾತಿಗೆ ಸಿಕ್ಕವರೆಲ್ಲರ ಒಂದೇ ವರಸೆ,
ಹುಸೇನಿ, ನಿನ್ನ ಕವಿತೆಗಳಿಗೇನಾಗಿದೆ?

ಮತ್ತೆ ನನ್ನದು ಅದೇ ಉತ್ತರ,
ನನ್ನೊಳಗೆ ಬೆಂಕಿಯ ಚಿಲುಮೆ ಉರಿಸಿ
ಹೊರಗೆ
ಹೂ ಅರಸಿ ನಡೆಯುವ ಕವಿತೆ ನಾ
ಕಟ್ಟಲಾರೆ..

Kannada Quotes And Kavanagalu

ಬಿಂದು – 25

ಅದೆಷ್ಟೇ ಹೊರಳಿ ಹೊಡೆದಾಡಿದರೂ
ಅಕ್ಷರರೂಪವಾಗಲೊಲ್ಲದ
ಭಾವನೆಯೊಡನೆಯ ಮೌನ ಸಮರ
ಈ ಸಮಯದ ನನ್ನ ಕವಿತೆ

~ ಹುಸೇನಿ

Kannada Kavana

ಪುರಾವೆ ಕೊಡು.

ಸವೆಸಿದ ದಾರಿಗಳ ಕುರುಹು ಕೊಡು;
ಇನ್ನೂ ಬದುಕಿರುವ ಪುರಾವೆ ಕೊಡು..

english to kannada

ಬಿಂದು-24

ಬದುಕಿಗಿಲ್ಲಿ ಸಾವಿನ ಹೆಸರು..
ಸಾವಿಗಿಲ್ಲಿ ಬದುಕಿನ ಹೆಸರು..
ಹುಟ್ಟು ಸಾವಿನ ಕವಲಿನಲಿ
ಕಂಗಾಲಾಗಿದ್ದೇನೆ ದೊರೆಯೇ
ಗಮ್ಯ ತೋರು; ಅನಂತತೆಯಲ್ಲಿ
ನಕ್ಷತ್ರವಾಗಿ ನಾನೂ ಹೊಳಯಬೇಕು…

~ ಹುಸೇನಿ

ಕನ್ನಡ ಕವನಗಳು – Kannada Kavanagalu Images

ಬಿಂದು-23

ಪತಂಗದ ಕನಲಿಕೆ
ದೀಪದ ತಟಸ್ಥ ಭಾವ
ಗಾಳಿಯ ಆಟೋಪಾಟ
ಪ್ರೀತಿಯೆಂದರೆ ತಣ್ಣನೆಯ ಕ್ರೌರ್ಯ….

~ ಹುಸೇನಿ

ವಿಜಯ ಕರ್ನಾಟದಲ್ಲಿ ನನ್ನದೊಂದು ಪದ್ಯ

ಕಳೆದ ಭಾನುವಾರದ [6/11/2016] ವಿಜಯ ಕರ್ನಾಟಕ – ಲವಲvk ಪುರವಣಿಯಲ್ಲಿ ಪ್ರಕಟವಾದ ನನ್ನದೊಂದು ಪದ್ಯ

Leave a comment

ಬಿಂದು – 22

ದೀರ್ಘವಾಗುವ ದಿನಗಳ
ಚಿಂತೆಯಿಲ್ಲ;
ಕಿರಿದಾಗುವ ಇರುಳಿನ
ಬಗ್ಗೆ ಪರಿತಾಪವಿದೆ ..

ಬಿಂದು – 21

ಸಾವಿನ ಕುರಿತು ಹೆಚ್ಚು
ಮಾತನಾಡುವ ನಿಮ್ಮ ಪೈಕಿ
ಇನ್ನೂ ಹುಟ್ಟದ ನಾನು
ಯಾವತ್ತೂ ಪರಕೀಯ…