ಸ್ನೇಹಿತರ ದಿನದಂದು ..

ತನ್ನ ಗೆಳೆತಿ ಜೀವನ್ಮುಖಿ (ದೀಪಕ್ಕನ ಮಗಳು) ಮಾತು ಬಿಟ್ಟಳೆಂದು ಒಂದೇ ಸಮನೆ ಅಳುತ್ತಿದ್ದ ಅವಳ ಗೆಳತಿ. ದೀಪಕ್ಕ, ಗಿರೀಶಣ್ಣ ಯಾರೂ ಸಮಾಧಾನಿಸಿದರೂ ಸಾಮಾಧಾನವಾಗದ ಅವರನ್ನು ಪ್ರೀತಿಯಿಂದ ಬರಸೆಳೆದು ಮುದ್ದುಮಾಡಿ, ಕೈ ಕೈ ಪೋಣಿಸಿ ಕೋಪವನ್ನು ತಣಿಸಿ ರಾಜಿ ಮಾಡಿಸಿದ ಕನ್ನಡದ ಮೇರು ಚಿತ್ರ ಸಾಹಿತಿ ಕೆ ಕಲ್ಯಾಣ್. ಕೊನೆಗೆ ಎಲ್ಲವೂ ಸುಗಮವಾದಾಗ ಹತ್ತಿರವಿದ್ದ ನನ್ನಲ್ಲಿ ಫೋಟೋ ತೆಗೆಯುವಂತೆ ಕಲ್ಯಾಣ್ ರವರು ಕೋರಿಕೊಂಡಾಗ ತೆಗೆದ ಚಿತ್ರ ಇದು. ದೀಪಕ್ಕನಿಗೆ ಫೋಟೋವನ್ನು ವಾಟ್ಸಾಪ್ ಮಾಡುವಂತೆಯೂ ಸೂಚಿಸಿದರು. ಮಕ್ಕಳೊಂದಿಗೆ ಮಗುವಾಗಿ ಬೆರೆದ ಕಲ್ಯಾಣ್ ರವರ ಸೂಕ್ಷ ಸೆಲೆಯ ವ್ಯಕ್ತಿತ್ವ ತುಂಬಾ ಇಷ್ಟವಾಯ್ತು. ಸ್ನೇಹಿತರ ದಿನದಂದು ಎರಡು ಪುಟ್ಟ ಹೃದಯಗಳ ಸ್ನೇಹ ಸೌರಭ್ಯಕ್ಕೆ ಸಾಕ್ಷಿಯಾದ ಖುಶಿ ನನ್ನದು.
ಕನ್ನಡ ಸಾಹಿತ್ಯ ಪರಿಷತ್ತಿನಲ್ಲಿ ಇಂದು ನಡೆದ ದೀಪಕ್ಕನ ‘ಅಸ್ಮಿತಾ’ ಕವನ ಸಂಕಲನ ಬಿಡುಗಡೆಯ ಹಲವು ರಸ-ಕ್ಷಣಗಳಲ್ಲಿ ಇದೂ ಒಂದು.