ದನಿಯಾಗದ ಹನಿಗಳು · ಹುಸೇನಿ ಪದ್ಯಗಳು - 11 · ಹುಸೇನಿ_ಪದ್ಯಗಳು

ದನಿಯಾಗದ ಹನಿಗಳು(ಹುಸೇನಿ ಪದ್ಯಗಳು – 11)

1.
ನೀ ಕೊಟ್ಟ ನಲಿವಿಗಿಂತ
ನೋವುಗಳೇ ಹೆಚ್ಚು
ಅಪ್ಯಾಯಮಾನ…!

2.
ಪರ್ವತದೊಳಗೂ
ಬೆಂಕಿಯಂತೆ..,
ನನ್ನೊಡಲೊಳಗೆ
ನಿನ್ನ ನೆನಪಂತೆ…!

3.
ನಿನಗೆ ಗೊತ್ತೇ ಗೆಳತಿ..?
ನನಗೆ ಸ್ವರ್ಗದಿಂದ
ಉಡುಗೊರೆಯೊಂದು ಸಿಕ್ಕಿದ್ದು,
ಅದು ನೀನೆ…!

4.
ನೀ ನನ್ನ ಹೃದಯವ
ಕೊಂದವಳಲ್ಲ…!
ಸತ್ತ ಹೃದಯದೊಂದಿಗೆ
ಬದುಕಲು ಕಲಿಸಿದವಳು..!

5.
ಧುತ್ತೆಂದು ಒಸರಿ ಬರುವ
ಕಣ್ಣೀರನ್ನೂ ಹರಿ ಬಿಡುವ
ಮನಸ್ಸಿಲ್ಲ, ಅದು ನೀನನಗೆ ಕೊಟ್ಟ
ಕೊನೆಯ ಉಡುಗೊರೆ…!


Leave a Comment

ಕನ್ನಡ ಬ್ಲಾಗಿನಲ್ಲಿ ಓದಲು ಇಲ್ಲಿ ಕ್ಲಿಕ್ಕಿಸಿ

ಅದೆಷ್ಟು ದೂರ ..! · ನೆನಪಿನ ಹನಿ

ಅದೆಷ್ಟು ದೂರ ..!

ಮನದಲಿ ಚದುರಿ ಬಿದ್ದ
ನೆನಪುಗಳ ನಿಶ್ಶಬ್ದ
ಸಂಗೀತ…
ನಷ್ಟಗಳ ಲೆಕ್ಕಾಚಾರ
ಮತ್ತೆ,
ಉಮ್ಮಳಿಸಿ ಬರುವ
ನೋವು …
ಕೊನೆಗೆ ಎಲ್ಲವನ್ನು ಒಂದು
ಮಂದಹಾಸದಲ್ಲಿ
ಮೊಗೆದು
ನಗುವ
ನಾಳೆಗಳಿಗೆ ದೃಷ್ಟಿ ನೆಟ್ಟು
ನಾವು ಈ ದಾರಿಯಲ್ಲಿ
ಇನ್ನೂ ಅದೆಷ್ಟು ದೂರ …!


Leave a Comment

ಹುಸೇನಿ ಪದ್ಯಗಳು - 7 · ಹುಸೇನಿ_ಪದ್ಯಗಳು

ಮೂರೇ ಮೂರು (ಹುಸೇನಿ ಪದ್ಯಗಳು – 7)


ನಿನ್ನ ಮಾತಿಗಿಂತ
ಮೌನವೇ ಎನಗಿಷ್ಟ..
ಮೌನದೊಳು ನೀನಾಡದ
ಅದೆಷ್ಟು ಮಾತುಗಳು…!!೨
ಗೆಳತೀ ..
ಅದೋ ಅಲ್ಲಿ ನೋಡು..
ಚಂದಿರ..!
ಬೆಳದಿಂಗಳಿರಬಹುದು!
ಅವನಲ್ಲೂ ನಿನ್ನ ಅದೇ ಕಾಂತಿ..!


ಪ್ರೀತಿ ನನಗೆ ಎಲ್ಲವನ್ನೂ
ಕೊಟ್ಟಿತು
ನಿನ್ನ ಹೊರತಾಗಿ…!


Leave a Comment

ಕೊಲ್ಲುತಿದೆ..

ಕೊಲ್ಲುತಿದೆ..

ನೀ ಕೊಟ್ಟ ನೋವನ್ನು
ಎದೆಯಾಳದಲ್ಲಿ
ಅಡಗಿಸಿದ್ದೆ..
ಅದು ನಿನ್ನ ಕೊನೆಯ
ಉಡುಗೊರೆಯೆಂದು
ಸಂಭ್ರಮಿಸಿದ್ದೆ..
ಈಗ ನೋಡು
ಅವು ಕೊಳೆತು
ಕೊಲ್ಲುತ್ತಿವೆ …


Leave a Comment

ನನಗೆ ಅರಿವಿಲ್ಲವೆಂದು..

ನನಗೆ ಅರಿವಿಲ್ಲವೆಂದು..

ಸಾಯಂ ಸಂದ್ಯೆಯ ಏಕಾಂತತೆಯಲ್ಲಿ
ಅವಳು ಕೇಳಿದಳು…
ಇನ್ನೆಷ್ಟು ಕಾಲ ನನ್ನ ಪ್ರೀತಿಸುವೆ ಎಂದು..

ಸಲ್ಲದ ಮೌನವ ಮುರಿದು ಮೊಗೆದೆ
ನನ್ನ ಮರಣ ದಿನ ನನಗರಿವಿಲ್ಲವೆಂದು …!

ಕಣ್ಣೀರನ್ನು ಪ್ರೀತಿಸುತ್ತಿದೆ.. · ನೆನಪಿನ ಹನಿ

ಕಣ್ಣೀರನ್ನು ಪ್ರೀತಿಸುತ್ತಿದೆ..

ಅಂದು ನೀ ನನ್ನ ಬಳಿಯಿರಲು
ಮಂದಹಾಸವನ್ನು ಪ್ರೀತಿಸುತ್ತಿದ್ದ
ನನ್ನ ಅಕ್ಷರಗಳು
ಇಂದು ನೀನು ಅಗಲಿರಲು
ಕಣ್ಣೀರನ್ನು ಮಾತ್ರ ಪ್ರೀತಿಸುತ್ತಿದೆ…
ನಾನು ಜೀವಿಸುತ್ತೇನೆ.. ! · ನೆನಪಿನ ಹನಿ

ನಾನು ಜೀವಿಸುತ್ತೇನೆ.. !

ನೆನಪಿನ ತೀರದಲ್ಲಿ ನೀನೆಂದೂ ನನ್ನವಳು…
ಕಾರಣ..
ನಿನ್ನ ನೆನಪಲ್ಲೇ ನಾನು ಜೀವಿಸುತ್ತೇನೆ..
ಅಲ್ಲ..!!
ನೀ ನೆನಪಾಗೋ ವೇಳೆ ಮಾತ್ರ
ನಾನು ಜೀವಿಸುತ್ತೇನೆ..!!
ಕೊನೆಯ ಬಾರಿಗೆ..! · ನೆನಪಿನ ಹನಿ

ಕೊನೆಯ ಬಾರಿಗೆ..!

ಎಂದೂ ಕಾಯುವ ದಾರಿಯಲಿ ಕೆಲವೊಮ್ಮೆ
ನನ್ನ ಕಾಣದಿರಲು ನೆನೆಪಿಸಿಕೋ ಎನ್ನುತ್ತಿದ್ದ
ಅವಳು ಕೊನೆಯ ಬಾರಿಗೆ ಕಂಡಾಗ ಹೇಳಿದ್ದು
ಮರೆತುಬಿಡು ಎಂದಾಗಿತ್ತು..!!
ನೀನಿಲ್ಲದ ಜಗತ್ತು..! · ನೆನಪಿನ ಹನಿ

ನೀನಿಲ್ಲದ ಜಗತ್ತು..!


              ನಿನ್ನ ಯೋಚಿಸಿ ನಾನೆಂದೂ ಮರುಗಲಾರೆ..
              ಆದರೆ…
              ನಿನ್ನ ನೆನಪುಗಳು ಮೂಡದ ಹೃದಯವ ನೀ ಕೊಡಬೇಕು..!

              ನೀ ಬರುವ ದಾರಿಯಲಿ ನಾನೆಂದೂ ಕಾಯಲಾರೆ…
              ಆದರೆ…
              ನಿನ್ನ ಪ್ರತಿಬಿಂಬ ಮೂಡದ ಕಣ್ಣ ನೀ ಕೊಡಬೇಕು..!

              ನಿನ್ನ ಬದುಕಲ್ಲಿ ಮತ್ತೆ ನಾನೆಂದೂ ಬರಲಾರೆ..
              ಆದರೆ…
              ನೀನಿಲ್ಲದ ಜಗತ್ತಿಗೆ ನನ್ನ ನೀ ಪರಿಚಯಿಸಬೇಕು..!

ನೆನಪಿನ ಹನಿ · ಮೌನವಾದೆ...!

ಮೌನವಾದೆ…!

ನನ್ನನ್ನು ಎಷ್ಟು ಪ್ರೀತಿಸ್ತೀಯ ಅಂತ ಅವಳು ಕೇಳಿದಾಗ
ನಾನು ಮತ್ತೆ ಮೌನವಾದೆ…!
ಕಾರಣ ಕೇವಲ ಮಾತಿನಲ್ಲಿ ನನ್ನ ಪ್ರೀತಿಯ ಹಿಡಿದಿಡಲಾಗದು
ಅಂತ ನನಗೆ ಅನಿಸಿತು……!