ಹುಸೇನಿ ಪದ್ಯಗಳು - 20 · ಹುಸೇನಿ_ಪದ್ಯಗಳು

ಹುಸೇನಿ ಪದ್ಯಗಳು – 20

panjarada-hakki

೧)
ಜಗತ್ತಿನ ಮತ್ತೆಲ್ಲಾ ಕ್ಷಣಿಕ-
ಉನ್ಮಾದಗಳಂತೆ
ನನ್ನೊಳಗಿನ ಮೌನಕ್ಕೂ ಹುಚ್ಚು ಗೀಳು.
ತನ್ನ ಅಸ್ತಿತ್ವಕ್ಕಾಗಿ
ಮಾತಿನ ಮೊರೆ ಹೋಗಿ
ಪರಾವಲಂಬಿಯಾಗಿ ಅಸುನೀಗುತ್ತದೆ.

೨)
ನಾನು ಮತ್ತೆ ಕಳೆದು ಹೋಗುತ್ತಿದ್ದೇನೆ
ಯಾವುದೋ ಮರೀಚಿಕೆ-
ಮಾಯೆಯೊಳಗಲ್ಲ
ನೀನೆಂಬ ಅರೆ ನಿರ್ವಾತದೊಳಗೆ;
ಜೇಡರ ಬಲೆಗೆ ಬಿದ್ದ ಚಿಟ್ಟೆಯಂತೆ ಬದುಕು..

೩)
ಹೃದಯವ ಅಡವಿಟ್ಟು
ಪ್ರೀತಿಯ ಖರೀದಿಗೆ ಹೊರಟವನು
ನಿರಾಸೆಯಿಂದ ಮರಳಿದ್ದಾನೆ,
ಹೃದಯವಿಲ್ಲದವನಿಗೆ
ಪ್ರೀತಿ ಸಿಗಲಾರದಂತೆ..

೪)
ಅವನು
ಸ್ವತಂತ್ರ ಬದುಕಿನ ಕಥೆ ಹೇಳಿ
ಮುಗಿಸಿದ ನಂತರ
ಅವಳಿಗೆ ಅವನಲ್ಲಿ ಪ್ರೀತಿ ಅಂಕುರಿಸಿತು
ಮದುವೆಯ ನಂತರ ತಿಳಿಯಿತು
ಅವನ ಮನೆತುಂಬಾ ಪಂಜರದ ಗಿಳಿಗಳು..

_ಹುಸೇನಿ

Leave a comment

ಅರ್ಧಸತ್ಯ...! · ನೆನಪಿನ ಹನಿ

ಅರ್ಧಸತ್ಯ…!

mirror-nenapinasanchi
ಮಳೆ ಬಿದ್ದ ಇಳೆಯಂತೆ
ನನ್ನ ಬಾಹ್ಯವ ತೋರುವ ನೀ
ಮಿಡಿವ ಅಂತರಂಗದ ಬಿಸುಪನ್ನು
ತೋರಿಸದೆ ಹೋದೆ..
ಹೇ ಕನ್ನಡಿ..
ನೀ ತೋರಿದ್ದು
ಅರ್ಧಸತ್ಯ…
!


ನಿಮ್ಮ ನಲ್ನುಡಿ

ಕಾಡುವ ಹನಿಗಳು · ನೀನೆಂದರೆ.. · ನೆನಪಿನ ಹನಿ · ಮನಸಿನ ಹಾ(ಪಾ)ಡು

ನೀನೆಂದರೆ..

shadow and girl

ನೀನೆಂದರೆ..

ಕಾದು ಕಾವಲಿಯಾದ ಮನಸಿಗೆ
ಹೊಂಗೆ ತಂಪು
ಇರುಳ ಕರಾಳತೆಯಲ್ಲಿ
ಕಳೆದು ಹೋಗುವ
ಕನಸು..!

ನೀನೆಂದರೆ..

ಕಲ್ಪನೆ, ಪರಿಕಲ್ಪನೆ
ಬದಲಾವಣೆ!
ನಾಳೆಯ ನಿರೀಕ್ಷೆ,
ಪ್ರತೀಕ್ಷೆ !

ನೀನೆಂದರೆ..

ಮುಂಗುರುಳು ಮುಂಜಾನೆಯ
ಮಂಜ ಹನಿ,
ಕೇಳಿದಷ್ಟೂ ಕೇಳಬೇಕೆನಿಸುವ
ಕಹಾನಿ!

ನೀನೆಂದರೆ..

ನನ್ನೊಳಗಿನ ತುಮುಲ,
ಹೊಯ್ದಾಟ!
ತನ್ನ ಅಸ್ತಿತ್ವಕ್ಕಾಗಿ
ಮಾತಿನ ಮೊರೆ ಹೋದ
ಪರಾವಲಂಬಿ ಮೌನ !

ನೀನೆಂದರೆ..

ಭರವಸೆಯ ಆಲಿಂಗನ,
ಕಣ್ಣೋಟದ
ಸಿಹಿ ಚುಂಬನ…!
ಒಂಟಿ ಕತ್ತಲ ಏಕಾಂಗಿತನ..

ಮತ್ತೆ ನನ್ನೀ
ಜೀವನ..!


ಹೇಗಿದೆ ಹೇಳಿ

ಹುಸೇನಿ ಪದ್ಯಗಳು - 8 · ಹುಸೇನಿ_ಪದ್ಯಗಳು

ಹುಸೇನಿ ಪದ್ಯಗಳು – 8


ನಾನಿನ್ನ ನೆರಳೆಂದೆ ನೀನು
‘ನಾನು ಸತ್ಯ’
‘ನೆರಳು ಮಿಥ್ಯ’
ಅವೆರಡು ಜೊತೆಯಾಗಲಾರದೆಂಬುದು
ನಿತ್ಯ ಸತ್ಯ..!
——-

ಒಳಗೊಳಗೇ ಅತ್ತು
ಸತ್ತು ಹೋದ ನನ್ನ
ಕನಸುಗಳ
ಗೋರಿಗೆ
ನಿನ್ನ ಹೆಸರಿಟ್ಟಿದ್ದೇನೆ..!
——-

ನಿನ್ನೆದುರು ದನಿಯಾಗಲು
ಸೋತ ಮಾತುಗಳು
ಕಮ್ಮನೆ ಕುಳಿತಿವೆ..
ಮಡುಗಟ್ಟಿದ
ಕಣ್ಣೀರಿಗೆ
ಜೊತೆಯಾಗಿ..!
——-

ನನಗಸೂಯೆ..!
ಅವಳನ್ನು ಸೋಕಿ ಹೋಗುವ
ತಂಗಾಳಿ ಮೇಲೆ
ಅವಳ ಮೈ ಮೇಲೆರಗುವ
ಬಿಸಿಲ ಮೇಲೆ
ನನಗೊಂದಿಷ್ಟು ಜಾಗ ನೀಡದ
ಅವಳ ಮನಸಿನ ಮೇಲೆ ..!


Leave a Comment

ಕನ್ನಡ ಬ್ಲಾಗ್ ನಲ್ಲಿ ನೋಡಲು ಇಲ್ಲಿ ಕ್ಲಿಕ್ ಮಾಡಿ.

ನೆನಪಿನ ಹನಿ · ಮೂಕ ಮೌನ

ಮೂಕ ಮೌನ ..

ತಿರುಗಿ ನಡೆಯಲು..
ಕೂಗಿ ಕರೆಯುವಳು ಅಂದುಕೊಂಡೆ
ಅಗಲಿ ಹೋಗಲು ..
ನೆಪ ಮಾತ್ರ ಅಂದುಕೊಂಡೆ
ನಗು ಮಾಸಲು ..
ಮಾತು ಮಾಸದು ಅಂದುಕೊಂಡೆ
ಜಾರಿಬಿದ್ದ ಕಣ್ಣ ನೀರು..
ಮಳೆಹನಿ ಅಂದುಕೊಂಡೆ
ಆದರೆ …
ಮರೆವನ್ನು ಪ್ರೀತಿಸಲು ಅವಳು ಹೇಳಿದಾಗ
ಅಂದುಕೊಳ್ಳಲು ಏನೂ ಇರಲಿಲ್ಲ…!

ಇನ್ನೂ ಪ್ರೀತಿಸುವುದಾದರೆ ...! · ನೆನಪಿನ ಹನಿ

ಇನ್ನೂ ಪ್ರೀತಿಸುವುದಾದರೆ …!

                  ಇನ್ನೂ ಪ್ರೀತಿಸುವುದಾದರೆ ನಾನು ಮರಣವನ್ನು ಪ್ರೀತಿಸುತ್ತೇನೆ…!!
                  ಕಾರಣ
                  ಅದೆಂದೂ ನನಗೆ ಮೋಸ ಮಾಡುವುದಿಲ್ಲ..
                  ಒಂದು ದಿನ ಅದು ನನ್ನ ಹುಡಿಕಿ ಬಂದೇ ಬರುವುದು..!
ಒಡೆದ ಕನಸು.. · ನೆನಪಿನ ಹನಿ

ಒಡೆದ ಕನಸು..

ಹಿಂದಿರುಗಿ ನೋಡದೆ
ಆ ದಾರಿಯಲಿ ನೀನಂದು
ಮುನ್ನಡೆಯಲು…
ಎಸಲಿಲ್ಲದ ಹೂವಿನ ಮೇಲೆ
ಜಾರಿಬಿದ್ದ ಮಂಜಿನ ಹನಿಯಂತೆ
ಒಡೆದು ಹೋದದ್ದು
ನನ್ನ ಕನಸುಸಗಳಾಗಿದ್ದವು…!