ಫಕೀರನ ವಿರಹದ ಹಾಡುಗಳು · ಹುಸೇನಿ ಪದ್ಯಗಳು - 17 · ಹುಸೇನಿ_ಪದ್ಯಗಳು

ಫಕೀರನ ವಿರಹದ ಹಾಡುಗಳು (ಹುಸೇನಿ ಪದ್ಯಗಳು – 17)

light-in-the-dark
1)
ಮಿಲನಕ್ಕೆ ಸಾಂಗತ್ಯ ಬೇಕಿಲ್ಲ ಗೆಳತೀ,
ನಿನ್ನ ರಾತ್ರಿ ನೀ ನೆನಪಾದ ಘಳಿಗೆ
ಕೆನ್ನೆಗೆ ಜಾರಿ ಬಿದ್ದ ಕಣ್ಣೀರ ಹನಿಯಲ್ಲಿ
ನಿನ್ನ ಬೆಚ್ಚಗಿನ ಸ್ಪರ್ಶದನುಭೂತಿಯಿತ್ತು.

2)
ದೂರದಲ್ಲಿ ಕಂಡ ಬೆಳಕನ್ನು
ನೀ ಹಿಂಬಾಲಿಸಿದೆ.
ಇಲ್ಲಿ ಉಳಿದದ್ದು ಬರಿ ಕತ್ತಲು,
ಮತ್ತೊಂದಿಷ್ಟು ಕವಿತೆಗಳು.

3)
ತಪಸ್ಸು ಕೂತು ವರ ಕೇಳಿ
ನಿನ್ನ ಪಡೆದರೂ, ನಿನ್ನ ಪ್ರೀತಿಯ
ಪಡೆಯಲಾಗಲಿಲ್ಲ.
ವರವಾಗಿ ನಿನ್ನ ಪ್ರೀತಿಯನ್ನೇ ಕೇಳಬೇಕಿತ್ತು !

4)
ಇಷ್ಟಿಷ್ಟೇ ಆವರಿಸುವ ನಿನ್ನ
ಪ್ರೀತಿ,
ಒಮ್ಮೆಲೇ ಎರಗಿ ಇಲ್ಲವಾಗಿಸುವ
ಕಾಲನಿಗಿಂತ ಅಪಾಯಕಾರಿ ಎಂಬುದು
ನಾನು ಕಂಡುಕೊಂಡ ಪರಮ ಸತ್ಯ
ನಿಮ್ಮ ಕಥೆ ಏನೋ ?

Leave a comment

ಹುಸೇನಿ ಪದ್ಯಗಳು – 10 · ಹುಸೇನಿ_ಪದ್ಯಗಳು

ಹುಸೇನಿ ಪದ್ಯಗಳು – 10


ಎಲ್ಲೆಲ್ಲೋ ಹುಡುಕಿದೆ ನಿನ್ನ,
ನನ್ನೆದೆ ಮಿಡಿತದ
ತಾಳವನ್ನರಿಯದೆ…!
***

ಸಾಗರ ತಡಿಯಲ್ಲಿ
ಮುತ್ತಿನ ಚಿಪ್ಪಿನೊಳ
ರತ್ನದಂತೆ ನನ್ನೆದೆಯಲಿ
ನಿನ್ನ ನೆನಪುಗಳು…!
***

ನಿನ್ನ ನೆನಪುಗಳ
ಪೋಣಿಸಿ ಬರೆದ
ಕವಿತೆಯ ನೀ ಮೆಚ್ಚಿ ಮುತ್ತಿಟ್ಟೆ
ನೋಡು, ಅದಕ್ಕೀಗ ವಯ್ಯಾರ…!
***

ನನ್ನ ನಿನ್ನ ನಡುವೆ ಆಡದೆ
ಉಳಿದ ಮಾತುಗಳು
ಬೆಂಕಿಯುಂಡೆಯಾಗುವ ಮೊದಲೇ
ನಾ ನಿನ್ನೊಳಗೆ ಸ್ಪೋಟಿಸಬೇಕಿದೆ…!


Leave a Comment

ಕನ್ನಡ ಬ್ಲಾಗಿನಲ್ಲಿ ಓದಲು ಇಲ್ಲಿ ಕ್ಲಿಕ್ಕಿಸಿ

ಕಣ್ಣೀರನ್ನು ಪ್ರೀತಿಸುತ್ತಿದೆ.. · ನೆನಪಿನ ಹನಿ

ಕಣ್ಣೀರನ್ನು ಪ್ರೀತಿಸುತ್ತಿದೆ..

ಅಂದು ನೀ ನನ್ನ ಬಳಿಯಿರಲು
ಮಂದಹಾಸವನ್ನು ಪ್ರೀತಿಸುತ್ತಿದ್ದ
ನನ್ನ ಅಕ್ಷರಗಳು
ಇಂದು ನೀನು ಅಗಲಿರಲು
ಕಣ್ಣೀರನ್ನು ಮಾತ್ರ ಪ್ರೀತಿಸುತ್ತಿದೆ…
ನೆನಪಿನ ಹನಿ · ಮೌನ ಪ್ರೀತಿಯೇ..?

ಮೌನ ಪ್ರೀತಿಯೇ..?

ಮೌನ ಪ್ರೀತಿಯೇ..?
ಗೊತ್ತಿಲ್ಲ…
ಮನದಲ್ಲಿ ಕಡಲಷ್ಟು ಪ್ರೀತಿ ಇದ್ದರೂ
ಪ್ರೀತಿಸುವುದಿಲ್ಲ ಎನ್ನುವ ಮನಸಿನ
ಮೂಕ ರೋದನೆಯೇ ಮೌನ!!
ನಾನು ಜೀವಿಸುತ್ತೇನೆ.. ! · ನೆನಪಿನ ಹನಿ

ನಾನು ಜೀವಿಸುತ್ತೇನೆ.. !

ನೆನಪಿನ ತೀರದಲ್ಲಿ ನೀನೆಂದೂ ನನ್ನವಳು…
ಕಾರಣ..
ನಿನ್ನ ನೆನಪಲ್ಲೇ ನಾನು ಜೀವಿಸುತ್ತೇನೆ..
ಅಲ್ಲ..!!
ನೀ ನೆನಪಾಗೋ ವೇಳೆ ಮಾತ್ರ
ನಾನು ಜೀವಿಸುತ್ತೇನೆ..!!
ನೆನಪಿನ ಹನಿ · ಮೌನವಾದೆ...!

ಮೌನವಾದೆ…!

ನನ್ನನ್ನು ಎಷ್ಟು ಪ್ರೀತಿಸ್ತೀಯ ಅಂತ ಅವಳು ಕೇಳಿದಾಗ
ನಾನು ಮತ್ತೆ ಮೌನವಾದೆ…!
ಕಾರಣ ಕೇವಲ ಮಾತಿನಲ್ಲಿ ನನ್ನ ಪ್ರೀತಿಯ ಹಿಡಿದಿಡಲಾಗದು
ಅಂತ ನನಗೆ ಅನಿಸಿತು……!

ಕಡಲು ಸೇರಿದ ಹನಿ...! · ನೆನಪಿನ ಹನಿ

ಕಡಲು ಸೇರಿದ ಹನಿ…!


              ನಿನ್ನ ನೆನಪಿನ ತನ್ಮಯತೆಯಿಂದ
              ಕಣ್ಣಿಂದ ಜಾರಿಬಿದ್ದ ಹನಿಯೊಂದು
              ತೀರದಲಿ ಬಿದ್ದು ಕಡಲು ಸೇರಿತು…
              ನೆನೆಯಲಾರೆ.. ನಿನ್ನ ಇನ್ನೆಂದಿಗೂ..
              ಆ ಹನಿಯ ನೀ ಹುಡುಕಿ ಕೊಟ್ಟರೆ….!