ಮೌಢ್ಯದ ಮನೆ

ಉಂಡು ಬಿಟ್ಟ ಎಂಜಲೆಲೆಯ
ಮೇಲೆ ಉರುಳಾಡಿ ಎದ್ದವನ
ಮಾನವ ಪ್ರಜ್ಞೆಯ ಹೆಣ
ಮೌಢ್ಯದ ಮಂಟಪದ ತೋರಣವಾಯಿತು;

ಉಂಡ ಎಂಜಲೆಲೆ ಬಿಟ್ಟು ಎದ್ದವನ ಆತ್ಮಸಾಕ್ಷಿಯ ಹೆಣ
ಅಲ್ಲೆಲ್ಲೋ ಬಿದ್ದಿರಬಹುದಾ ?

ಹುಸೇನಿ ~

ಅದೆಷ್ಟು ದೂರ ..!

ಮನದಲಿ ಚದುರಿ ಬಿದ್ದ
ನೆನಪುಗಳ ನಿಶ್ಶಬ್ದ
ಸಂಗೀತ…
ನಷ್ಟಗಳ ಲೆಕ್ಕಾಚಾರ
ಮತ್ತೆ,
ಉಮ್ಮಳಿಸಿ ಬರುವ
ನೋವು …
ಕೊನೆಗೆ ಎಲ್ಲವನ್ನು ಒಂದು
ಮಂದಹಾಸದಲ್ಲಿ
ಮೊಗೆದು
ನಗುವ
ನಾಳೆಗಳಿಗೆ ದೃಷ್ಟಿ ನೆಟ್ಟು
ನಾವು ಈ ದಾರಿಯಲ್ಲಿ
ಇನ್ನೂ ಅದೆಷ್ಟು ದೂರ …!


Leave a Comment

Create a free website or blog at WordPress.com.

Up ↑

%d bloggers like this: