ರೂಹೀ · ರೂಹೀ -2

ರೂಹೀ -2

fire-nenapinasanchi

ಒಡೆದ
ಎದೆಗೂಡಿನ ಚೂರುಗಳು..
ಆರಿಸಲೂ ಆಗದೇ ಚಡಪಡಿಸುತ್ತಾ ಸದ್ದಿಲ್ಲದೆ
ದಿಟ್ಟಿಸುತ್ತಿದ್ದೇನೆ ವಿವಶನಾಗಿ..

ಮತ್ತೆ ಜೋಡಿಸಬೇಕು… ಈ ಸಜೀವ ಒಡಪಿನಲ್ಲಿ
ಅಸಹನೀಯ ನೋವಿದೆ..
ಅಲ್ಲಿ ನೀನು.. ಇಲ್ಲಿ ನಾನು, ಮಧ್ಯೆಗಿನ ಬೆಂಕಿಯ ದಾಟಿ
ನಿನ್ನ ಕರಗಳನ್ನೊಮ್ಮೆ ಚಾಚಿಬಿಡು ರೂಹೀ..
ರುಧಿರ ಹೆಪ್ಪಾಗುವ ಮುನ್ನವೇ…

ನನ್ನ ಸೇರುವ ಅತಿ ಮೋಹದಲಿ ಬೆಂಕಿಕುಂಡಕ್ಕೆ
ನೆಗೆದು ನೀ ಮೈ ಸುಟ್ಟಿದ್ದೆ ಬಂತು;
ಉರಿಯ ತಾಳಲಾರದೆ ನೀರಿನಾಳಕ್ಕೆ ಧುಮುಕಿ
ಮತ್ತೆ ಏಳುವಾಗಿನ ನಿರೀಕ್ಷೆಯೇ ಬಾಳು…

… ನಾನಿನ್ನೂ ನಿರೀಕ್ಷೆಯನ್ನು ನುಂಗಿ ಬದುಕುತ್ತೇನೆ;
ಸಾಂತ್ವನಕ್ಕೆ ವಿರಹವನ್ನೇ ತಬ್ಬಿಕೊಂಡಿದ್ದೇನೆ…
ನೀ ಬೆಂಕಿಯಾ ದಾಟಿ ಬರುವ ದಿನದಿಂದ
ಮತ್ತೆ ಬದುಕಿಗೆ ಜೀವ ತುಂಬುತ್ತೇನೆ….

~ಹುಸೇನಿ

Leave a comment

ದನಿಯಾಗದ ಹನಿಗಳು · ಹುಸೇನಿ ಪದ್ಯಗಳು - 11 · ಹುಸೇನಿ_ಪದ್ಯಗಳು

ದನಿಯಾಗದ ಹನಿಗಳು(ಹುಸೇನಿ ಪದ್ಯಗಳು – 11)

1.
ನೀ ಕೊಟ್ಟ ನಲಿವಿಗಿಂತ
ನೋವುಗಳೇ ಹೆಚ್ಚು
ಅಪ್ಯಾಯಮಾನ…!

2.
ಪರ್ವತದೊಳಗೂ
ಬೆಂಕಿಯಂತೆ..,
ನನ್ನೊಡಲೊಳಗೆ
ನಿನ್ನ ನೆನಪಂತೆ…!

3.
ನಿನಗೆ ಗೊತ್ತೇ ಗೆಳತಿ..?
ನನಗೆ ಸ್ವರ್ಗದಿಂದ
ಉಡುಗೊರೆಯೊಂದು ಸಿಕ್ಕಿದ್ದು,
ಅದು ನೀನೆ…!

4.
ನೀ ನನ್ನ ಹೃದಯವ
ಕೊಂದವಳಲ್ಲ…!
ಸತ್ತ ಹೃದಯದೊಂದಿಗೆ
ಬದುಕಲು ಕಲಿಸಿದವಳು..!

5.
ಧುತ್ತೆಂದು ಒಸರಿ ಬರುವ
ಕಣ್ಣೀರನ್ನೂ ಹರಿ ಬಿಡುವ
ಮನಸ್ಸಿಲ್ಲ, ಅದು ನೀನನಗೆ ಕೊಟ್ಟ
ಕೊನೆಯ ಉಡುಗೊರೆ…!


Leave a Comment

ಕನ್ನಡ ಬ್ಲಾಗಿನಲ್ಲಿ ಓದಲು ಇಲ್ಲಿ ಕ್ಲಿಕ್ಕಿಸಿ

ನೆನಪಿನ ಹನಿ · ಪ್ರೀತಿಯ ಅಗಾಧತೆ

ಪ್ರೀತಿಯ ಅಗಾಧತೆ

ಎಲೆಗಳು ಪರಸ್ಪರ ತಾಕದಿರಲು
ದೂರ ದೂರದಲಿ ನೆಟ್ಟ ಮರಗಳು
ಭೂಗರ್ಭದಲಿ ಬೇರುಗಳೊಡನೆ ಬೆರೆತು
ಮತ್ತೆ ಒಂದಾಗುವುದು…..

ಪರ್ವತದ ಹಲವು ದಾರಿಯಲ್ಲಿ
ಚಿಮ್ಮಿ ಬಂದ ನೀರಿನ ಒರತೆ
ನೀಲಿ ಸಾಗರದ ತಡಿಯಲ್ಲಿ
ಮತ್ತೆ ಒಂದಾಗುವುದು…..

ಪ್ರಿಯೇ .. ನಮ್ಮೊಳ ಪ್ರೀತಿ
ನಿಜವೇ ಆಗಿದ್ದರೆ ಯಾವ
ಶಕ್ತಿ ತಾನೇ ನಮ್ಮನ್ನು ದೂರ ಮಾಡೀತು ?


Leave a Comment

ಕಡಲು ಸೇರಿದ ಹನಿ...! · ನೆನಪಿನ ಹನಿ

ಕಡಲು ಸೇರಿದ ಹನಿ…!


              ನಿನ್ನ ನೆನಪಿನ ತನ್ಮಯತೆಯಿಂದ
              ಕಣ್ಣಿಂದ ಜಾರಿಬಿದ್ದ ಹನಿಯೊಂದು
              ತೀರದಲಿ ಬಿದ್ದು ಕಡಲು ಸೇರಿತು…
              ನೆನೆಯಲಾರೆ.. ನಿನ್ನ ಇನ್ನೆಂದಿಗೂ..
              ಆ ಹನಿಯ ನೀ ಹುಡುಕಿ ಕೊಟ್ಟರೆ….!