ಬಿಂದು – 21

ಸಾವಿನ ಕುರಿತು ಹೆಚ್ಚು
ಮಾತನಾಡುವ ನಿಮ್ಮ ಪೈಕಿ
ಇನ್ನೂ ಹುಟ್ಟದ ನಾನು
ಯಾವತ್ತೂ ಪರಕೀಯ…

ಒಂದಷ್ಟು (ಅ)ಭಾವಗಳು -೧

1)
ನೀ ಗಾಢ ಮೌನಕ್ಕೆ ಜಾರಿದಾಗೆಲ್ಲ
ನನ್ನನ್ನು ಹಾಡುವಂತೆ ಭಾಸವಾಗುತ್ತದೆ;

2)
ಮನುಷ್ಯ ಕೋಟೆ ಕಟ್ಟಿ ಮುಂಬಾಗಿಲನ್ನೂ ಮುಚ್ಚಿ ನಿಶ್ಚಿಂತೆಯಿಂದಿದ್ದ,
ಗೋಡೆ-ಬಾಗಿಲಿನ ಹಂಗಿಲ್ಲದ ಸಾವು ಮನುಷ್ಯನ ಸೋಲಾಗಿಯೇ ಉಳಿಯಿತು;

3)
ಅಬ್ಬರದ ಬೆಳಕಿನ ಹಿಂದೆಬಿದ್ದ ಜಗತ್ತು ಕತ್ತಲೆಗೂ ಬೆಳಕನ್ನು ತೊಡಿಸಿತು,
ನಿನ್ನೊಳಗಿದ್ದ ಹಣತೆಯೊಂದು ಜಗದ ಕುಹುಕಕ್ಕಂಜಿ ಅಸುನೀಗಿತು;

4)
ಕೃತಕ ಬೆಳಕಿನ ಅಬ್ಬರಕೆ ಹೆದರಿದವನ ಕತ್ತಲು ಬಾಚಿ ತಬ್ಬಿಕೊಂಡಿತು,
ಕತ್ತಲು ಕತ್ತಲಲ್ಲ ಆತ್ಮದೊಡಲ ಬೆಳಕು..

ಹುಸೇನಿ ~

Leave a comment

Blog at WordPress.com.

Up ↑

%d bloggers like this: