ನೆನಪಿನ ಸಂಚಿಗೆ 6 ಲಕ್ಷ ಓದುಗರ ಸಂಭ್ರಮ

ನೆನಪಿನ ಸಂಚಿಗೆ 6 ಲಕ್ಷ ಓದುಗರ ಸಂಭ್ರಮ

ಅಂದಹಾಗೆ ಇವತ್ತಿಗೆ ನನ್ನ ಅಸಂಬದ್ದ ಅಲಾಪಗಳ “ನೆನಪಿನ ಸಂಚಿ” ಯ ಓದುಗರ ಸಂಖ್ಯೆ 6 0 0 0 0 0 (೬ ಲಕ್ಷ) ದಾಟಿದೆ..
2011 ಅಕ್ಟೋಬರ್ 14 ರಂದು ಆರಂಭಿಸಿದ್ದ ಬ್ಲಾಗು ಕೇವಲ ಮೂರೂವರೆ ವರ್ಷದಲ್ಲಿ ಇಷ್ಟೊಂದು ಜನರಿಗೆ ತಲುಪಿದೆ ಎಂಬುದು ಪುಟ್ಟ ಬರಹಗಾರನಾಗಿ ನನ್ನ ಪಾಲಿಗೆ ಹೆಮ್ಮೆಯ ವಿಚಾರ. ಅರ್ಥವಿಲ್ಲದ ನನ್ನ ಮನಸ್ಸಿನ ಮರ್ಮರಗಳನ್ನು ತುಂಬು ಮನಸ್ಸಿನಿಂದ ಸ್ವೀಕರಿಸಿದ ಪ್ರತೀ ಓದುಗನಿಗೆ ಹೃದಯಾಂತರಾಳದ ಧನ್ಯವಾದಗಳು..

ಒಂದಷ್ಟು ಕತೆ, ಕವನ, ಕಾಲಹರಣ.. ಇದು ನಿಮ್ಮದೇ “ನೆನಪಿನ ಸಂಚಿ”

Leave a comment

ಹನಿ ಕಥನ

ಹನಿ ಕಥನ

ಯುದ್ಧ ಬೇಕು ಯುದ್ದ ಬೇಕು
ಅಟ್ಟಹಾಸಗೈದವನ ಮಗ ಅಮೆರಿಕಾದಲ್ಲಿ
ಸಾಫ್ಟ್ವೇರ್ ಇಂಜಿನಿಯರ್;
ಶಾಂತಿ, ಶಾಂತಿ, ಯುದ್ದ ಬೇಡ
ಗೋಗರೆಯುತ್ತಿದ್ದವನ ಮಗ
ಗಡಿ ಕಾಯುವ ಯೋಧ..

__

ವೃದ್ದಾಶ್ರಮ ಸೇರಿರುವ ರಾಯರು
ಹೊತ್ತು ಕಳೆಯಲು
“ಪೋಷಕರ ಪೋಷಣೆ ಮಕ್ಕಳ ಕರ್ತವ್ಯ”
ವಿಷಯದ ಮೇಲೆ ಹೊಸ ತಲೆಮಾರಿನ ಯುವಕರಿಗೆ
ಆದರ್ಶ ಪಾಠ ಹೇಳಿಕೊಡುತ್ತಿದ್ದಾರೆ.

__

“ಯತ್ರ ನಾರ್ಯಸ್ತು ಪೂಜ್ಯಂತೆ,
ರಮಂತೆ ತತ್ರ ದೇವತಾ” ಎಂದು
ಮೊನ್ನೆ ಪ್ರವಚನ ಕೊಟ್ಟ ಅಧ್ಯಾತ್ಮಿಕ
ಗುರುವನ್ನು , ನಿನ್ನೆ ಅತ್ಯಾಚಾರ
ಪ್ರಕರಣದಲ್ಲಿ ಬಂದಿಸಲಾಗಿದೆ.

Add Comments

ನ್ಯಾನೋ ಕಥೆಗಳು

ನೆನಪು

ತುಂಬಾ ವರ್ಷಗಳ ನಂತರ ಶಾಪಿಂಗ್ ಮಾಲಲ್ಲಿ ಆತ ಅಚಾನಕ್ಕಾಗಿ ಸಿಕ್ಕಿದ .”ರ್ರೀ ಇವರು ನಮ್ ಕ್ಲಾಸ್ ಮೇಟು .. ಡಿಗ್ರೀಲಿ ನಾವು ಒಟ್ಟಿಗಿದ್ದೆವು ” ಆಕೆ ಆತನನ್ನು ತನ್ನ ಗಂಡನಿಗೆ ಪರಿಚಯಿಸಿದಳು.. ಅಂದು ರಾತ್ರಿ ಆಕೆಗೆ ನಿದ್ದೆ ಬರದಾಗಿ, ಆತನನ್ನು ನೆನಪಿಸಿ ನಿದ್ದೆಯಿಲ್ಲದೆ ಕಳೆಯುತ್ತಿದ್ದ ಕಾಲೇಜ್ ದಿನಗಳು ಸುಮ್ಮನೆ ನೆನಪಾದವು.


Leave a Comment

ಉತ್ಖತನ

ಉತ್ಖತನ

ಕ್ಷಮಿಸು ಗೆಳತೀ
ನಿನ್ನ ಕೊನೆಯ ಮಾತನ್ನೂ
ಪಾಲಿಸದಾದೆ!!

ಮನಸ್ಸು ಹೃದಯದ ಉತ್ಖತನ ಮಾಡಿ
ನಿನ್ನ ನೆನಪುಗಳನ್ನು ಕೆದಕಿ
ತರುವಾಗ ಹೇಗೆ ತಾನೇ
ಮರೆಯಲಿ ನಿನ್ನ ??

ನಿನ್ನ ಸ್ಪರ್ಶ...!, ನೆನಪಿನ ಹನಿ

ನಿನ್ನ ಸ್ಪರ್ಶ…!

ನಿನ್ನ ನೆನಪಿನ ತನ್ಮಯತೆಯಿಂದ
ನನಗರಿಯದೆ ಕಣ್ಣಿಂದ ಜಾರಿಬಿದ್ದ ಹನಿಯಲ್ಲೂ
ನಿನ್ನ ಸ್ಪರ್ಶದ ಅನುಭೂತಿಯಿತ್ತು….!!