Honey’ಗವನ (ಹುಸೇನಿ ಪದ್ಯಗಳು – 14)


1.
ನಿನ್ನ ಸಾಂಗತ್ಯದಿ
ನನ್ನೊಳಗೆ ಮೂಡುವ
ಸಾವಿರ ಭಾವನೆಯ
ಬಣ್ಣದೋಕುಳಿ
ನನ್ನ ಹೋಳಿ ..
__
2.
ಇಂದೂ ಕಾದು ಕುಳಿತಿದ್ದೇನೆ
ನೀ ಬಿಟ್ಟು ಹೋದ ಈ
ದಡದಿ,
ನನ್ನದು ಓಡೋಡಿ
ಬರುವ ಅಲೆಯ ನಿಯತ್ತು..!
__
3.
ನನ್ನ ಕಪ್ಪು-
ಬಿಳುಪು ಕನಸುಗಳಿಗೆ
ನೀ ಹರವಿಟ್ಟ ಬಣ್ಣ
ಮಾಸಿ ಹೋಗಿದೆ ಗೆಳತೀ ..
__
4.
ನಿನ್ನ ಕಾಲ್ಗೆಜ್ಜೆ
ಮಣಿಗಳಿಗೆ
ನನ್ನ ಕನಸನ್ನು
ಕಟ್ಟಿದ್ದೇನೆ…
ಜೋಪಾನ ಹುಡುಗಿ…
__
5.
ಅಲೆಗೆ ದಡ ಸೇರುವ ತವಕ,
ನಾ ಬರೆದ ನಿನ್ಹೆಸರ
ಅಳಿಸಿತ್ತು….
__
6.
ನೀನರಿಯದೆ ನಿನ್ನ
ಪ್ರೀತಿಸುವುದರಲ್ಲೂ
ಸುಖವಿದೆ;
ಸುರಿಯದ ಮಳೆಯಲ್ಲಿ
ನೆನೆಯುವ ಸುಖ..!


ನಿಮ್ಮ ನಲ್ನುಡಿ

ಕನಸಲ್ಲಾದರೂ..!

                ಬೆಳಗಾಗುವ ತನಕ ಕಾದೆ… ನನ್ನ ಕನಸಿನಲ್ಲಿ ನಿನ್ನ ಕಾಣಲು…
                ಆದರೆ…
                ನಿನ್ನ ನೆನಪುಗಳು ನನ್ನ ಜತೆಗೂಡಿ..
                ಮಲಗುವುದ ಮರೆತು ಹೋದೆ..!
                ನನ್ನನ್ನೊಮ್ಮೆ ಏಕಾಂಗಿಯಾಗಿ ಬಿಟ್ಟು ಬಿಡು..
                ಕನಸಲ್ಲಾದರೂ ನಿನ್ನನ್ನೊಮ್ಮೆ ನಾನು ಕಾಣಬೇಕು…!

Create a free website or blog at WordPress.com.

Up ↑

%d bloggers like this: