ಹುಸೇನಿ ಪದ್ಯಗಳು - 33, ಹುಸೇನಿ_ಪದ್ಯಗಳು

ಹುಸೇನಿ ಪದ್ಯಗಳು – 33

nenapina-sanchi-1

೧)
ಈಗೀಗ ನಿನ್ನ ನೆನಪುಗಳು
ದೀರ್ಘ ನಿಟ್ಟುಸಿರು
ಮತ್ತು
ಕಣ್ಣಂಚಲಿ ಮೂಡುವ
ಹನಿಗಳು;
ಅಷ್ಟೇ..

೨)
ನೀನು ಹೊರಟು
ಆ ತಿರುವಿನಂಚಿನಿಂದ
ಮತ್ತೆ ತಿರುಗಿ
ನೋಡಬಾರದಿತ್ತು;
ನನ್ನ ವಾಸ್ತವ ಮತ್ತು ಭವಿಷ್ಯ
ಎರಡೂ ಗೋಜಲು ನೋಡು ..

೩)
ಪತಂಗದ ಕನಲಿಕೆ
ದೀಪದ ತಟಸ್ಥ ಭಾವ
ಪ್ರೇಮದ ಇನ್ನೊಂದು ಮುಖ ?

೪)
ಆ ಮುಸ್ಸಂಜೆಯಲ್ಲಿ ಕವಲುದಾರಿಯೊಂದು ವಿದಾಯಕ್ಕೆ ಸಾಕ್ಷಿಯಾಗಿತ್ತು
ಅವಳು ಸ್ಥಬ್ದವಾಗಿದ್ದಳು;
ಅವನು ನಡೆಯುತ್ತಲೇ ಇದ್ದ;
ಮೌನದ ತುದಿಯಲ್ಲಿ ಕವಿತೆಯೊಂದು ಜೀಕುತ್ತಿತ್ತು..

೫)
ಮತ್ತದೇ ನಿಯ್ಯತ್ತಿನ
ಪೊರೆ;
ಕಳಚಿದಷ್ಟೂ ಕವಲು;

ಹುಸೇನಿ ~

Leave a comment