ಕಾಡುವ ಹನಿಗಳು · ನೆನಪಿನ ಹನಿ · ಹುಸೇನಿ_ಪದ್ಯಗಳು

ಮೌಢ್ಯದ ಮನೆ

ಉಂಡು ಬಿಟ್ಟ ಎಂಜಲೆಲೆಯ
ಮೇಲೆ ಉರುಳಾಡಿ ಎದ್ದವನ
ಮಾನವ ಪ್ರಜ್ಞೆಯ ಹೆಣ
ಮೌಢ್ಯದ ಮಂಟಪದ ತೋರಣವಾಯಿತು;

ಉಂಡ ಎಂಜಲೆಲೆ ಬಿಟ್ಟು ಎದ್ದವನ ಆತ್ಮಸಾಕ್ಷಿಯ ಹೆಣ
ಅಲ್ಲೆಲ್ಲೋ ಬಿದ್ದಿರಬಹುದಾ ?

ಹುಸೇನಿ ~

ಬಿಡಿ ಭಾವಗಳು · ಹುಸೇನಿ ಪದ್ಯಗಳು - 15 · ಹುಸೇನಿ_ಪದ್ಯಗಳು

ಬಿಡಿ ಭಾವಗಳು (ಹುಸೇನಿ ಪದ್ಯಗಳು – 15)

abc-1

೧.
ಬತ್ತಿ ಸುಟ್ಟು ಹೋಯಿತು
ಎಣ್ಣೆಯೂ ಕರಗಿತು
ಹರಡಿದ್ದ ಬೆಳಕು ಮಾತ್ರ
ಸತ್ಯ..

೨.
ನೀನು
ನನ್ನ
ಕತ್ತಲಿನ ಬೆಳಕು
ಬೆಳಕಿನ ಕತ್ತಲು

೩.
ನೀನೆಂಬ
ಕಾಲ್ಪನಿಕತೆಯನ್ನೇ
ಬದುಕಾಗಿಸಿದ
ನನಗಿಂದು
ವಾಸ್ತವದ ಹಂಗಿಲ್ಲ

೪.
ನಾನು,
ದಿಕ್ಕೆಟ್ಟು ಓಡುವ
ಕನಸುಗಳ ರಭಸಕ್ಕೆ
ಎದೆಯೊಡ್ಡಿ ನಿಂತವನು…

೫.
ಕಾದು
ಕಾವಾಗಬೇಕು.
ಜೀವ ತಳೆಯಲು,
ಪ್ರೀತಿ ಹುಟ್ಟಲು …


ನಿಮ್ಮ ನಲ್ನುಡಿ

ಹುಸೇನಿ ಪದ್ಯಗಳು - 9 · ಹುಸೇನಿ_ಪದ್ಯಗಳು

ಹುಸೇನಿ ಪದ್ಯಗಳು – 9

ಬತ್ತಿದ ನನ್ನೆದೆಯೊಳು
ಬಿಕ್ಕಳಿಸುತಿವೆ
ನಿನ್ನ ನೆನಪುಗಳು …!

ಸಾವಿರ ಕೋಟಿ ನಕ್ಷತ್ರಗಳಿದ್ದರೂ
ರಾತ್ರಿಯ ಸೊಬಗು
ಚಂದ್ರನಲ್ಲವೇ….?

ನಾ ನಿನ್ನ ಕಂಡಾಗಲೇ
ಹೃದಯ ಜಾರಿದ್ದು ,ಮನಸು ಮಗುವಾಗಿ
ನಿನ್ನನೇ ಬೇಡಿದ್ದು…!

ನಿನ್ನ ನೆನಪನ್ನು
ಓಲೆ ಮೇಲೆ ಚೆಲ್ಲ ಹೊರಟಾಗಲೇ
ಅಕ್ಷರಗಳು ಪದವಾಗದೆ ಪ್ರತಿಭಟಿಸಿದ್ದು!

ನೀನಿತ್ತ ನೋವ ನೆನೆದು
ಮರುಗಿದಾಗಲೇ
ನನ್ನೆದೆ ನಿನ್ನ ಹೆಗಲ ಬಯಸಿದ್ದು..!


Leave a Comment

ಕನ್ನಡ ಬ್ಲಾಗಲ್ಲಿ ನೋಡಲು ಇಲ್ಲಿ ಕ್ಲಿಕ್ ಮಾಡಿ.

ಹುಸೇನಿ ಪದ್ಯಗಳು - 6 · ಹುಸೇನಿ_ಪದ್ಯಗಳು

ಹುಸೇನಿ ಪದ್ಯಗಳು – 6

ನಿನ್ನ ನೆನಪಿನಿಂದ
ಹುಟ್ಟಿದ ಈ
ಕವನ
ನಿನ್ನದೋ
ನನ್ನದೋ ..
ಗೊಂದಲವಿದೆ!
———
ನಿನ್ನ ಎದೆಯಾಳದ
ಹಂದರಕ್ಕೆ
ಈಜು ಬಾರದೆ
ಇಳಿದು
ದಿಕ್ಕಾಪಾಲಾದ
ನನ್ನ ಸ್ಥಿತಿಗೆ
ಪರಿಭ್ರಮಿಸುತ್ತೇನೆ…
ಕೆಲವೊಮ್ಮೆ
ಸಂಭ್ರಮಿಸುತ್ತೇನೆ..!
———
ನೀ ನನಗೆ
ನಷ್ಟವಾಗಬಹುದು ..
ಎಂದಲ್ಲ..
ನಾನಿನಗೆ
ನಷ್ಟವಾದರೆ
ನನ್ನಷ್ಟು ನಿನ್ನ
ಯಾರು ತಾನೇ
ಪ್ರೀತಿ ಮಾಡಿಯಾರು
ಎಂಬ ಭಯವಿದೆ….!
———
ನಿನ್ನೊಲುಮೆಯ
ರಾಗವನ್ನು
ಪದಗಳಲ್ಲಿ
ಕಟ್ಟಿ ಹಾಕುವ
ವ್ಯರ್ಥ ಪ್ರಯತ್ನ
ಈ ಕವನ
———
ನಿನ್ನ ಕಾಡುವ
ನೆನಪುಗಳಿಗೆ
ಲಗಾಮು ಹಾಕುವ
ಪ್ರಯತ್ನದಲ್ಲಿ
ಪ್ರತೀ ಬಾರಿ
ಸೋಲುತ್ತಿದ್ದೇನೆ..
———


Leave a Comment

ಹಿಂಬಾಲಿಸದೆ ಬಿಟ್ಟಿತೇ?

ಹಿಂಬಾಲಿಸದೆ ಬಿಟ್ಟಿತೇ?

ಇನ್ನು ನನ್ನ ಜೀವನ ದಾರಿಯಲ್ಲಿ
ನಿನ್ನ ಹೆಜ್ಜೆ ಗುರುತುಗಳು ಕಾಣದು!

ಆದರೆ
ನನ್ನ ಮನಸ್ಸಿನ ಹಾದಿಯಲ್ಲಿ
ಆಳಕ್ಕಿಳಿದು ಹೋದ ಕನಸುಗಳ
ನೋವು ..ನನ್ನನ್ನು
ಹಿಂಬಾಲಿಸದೆ
ಬಿಟ್ಟಿತೇ?


Leave a Comment

ಹುಸೇನಿ ಪದ್ಯಗಳು - 4 · ಹುಸೇನಿ_ಪದ್ಯಗಳು

ಹುಸೇನಿ ಪದ್ಯಗಳು – 4

ನೀನಿಲ್ಲದೆ
ಬದುಕುವ
ಬವಣೆಯ
ನೆನೆದು ….
ಒಂಟಿತನ
ನೀಗಲು ನಿನ್ನ
ನೆನಪಿನ ಜೊತೆ
ಹೊರಟಿದ್ದೇನೆ..——–

ನಿನ್ನ ನೆನಪಿನ
ತನ್ಮಯತೆಯಿಂದ
ನನಗರಿಯದೆ
ಕಣ್ಣಿಂದ
ಜಾರಿಬಿದ್ದ
ಹನಿಯಲ್ಲೂ
ನಿನ್ನ ಸ್ಪರ್ಶದ
ಅನುಭೂತಿಯಿತ್ತು….!!

——–

ಹೃದಯವ ಅಡವಿಟ್ಟು
ಪ್ರೀತಿಯ ಖರೀದಿಗೆ
ಹೊರಟೆ..
ಆದರೆ..
ಈಗ ತಿಳಿಯಿತು..
ಹೃದಯವಿಲ್ಲದವನಿಗೆ
ಪ್ರೀತಿ
ಸಿಗಲಾರದೆಂದು…

———–

ಇನ್ನೂ ನಾನು
ಪ್ರೀತಿಸುತ್ತೇನೆ..
ನಿನ್ನನ್ನೋ..
ನೀ ಕೊಟ್ಟ
ಸಕ್ಕರೆ
ನೆನಪುಗಳನ್ನೋ..
ಗೊಂದಲವಿದೆ!


Leave a Comment