ವೆಲ್ಕಮ್ ಟು ಬ್ಲಾಗ್ ಲೋಕ ಶಾಫಿ..

ಈ ಡಬ್ಬಾ ನನ್ ಮಗ ಶಾಫಿಗೆ ಬ್ಲಾಗ್ ಮಾಡಿ ಕೊಡ್ತೀನಿ ಅಂತದ್ದು ವಾರ ಆಯಿತು. ಹೆಸರು ಕೊಡೋ, ಟ್ಯಾಗ್ ಲೈನ್ ಏನ್ಬೇಕು ಬ್ಲಾಗ್ ಅಡ್ರೆಸ್ಸ್ ಎನ್ಬೇಕೋ ಅಂತ ಕೇಳಿದ್ರೆ.. ಅದೆಲ್ಲಾ ಗೊತ್ತಾಗಲ್ಲ, ಏನ್ಬೇಕು ನೀನೆ ಮಾಡ್ಕೋ ಅಂತ ಹೇಳಿದ್ದ. ನನ್ ಹಾಳು ತಲೆಗೆ ಯಾವುದೊಂದು ಹೆಸರೂ ಹೊಳೆಯದೆ ಸುಮ್ನಿದ್ದೆ. ನಿನ್ನೆ ರಾತ್ರಿ ೧೨ ಗಂಟೆಗೆ ಏನೋ ಜ್ಞಾನೋದಯ ಆದಂಗೆ ಬಂದು ಈಗ್ಲೇ ಬ್ಲಾಗ್ ಬೇಕು ಅಂದ. ಸರಿ ಆಗ್ಲಿ ಅಂತ ಬ್ಲಾಗ್ ಕ್ರಿಯೇಟ್ ಮಾಡಕ್ಕೆ ಕೂತ್ಕೊಂಡೆ. ನಂತರ ನನ್ನ ಪಾಡು ಶೋಪ್ಪಿನ್ಗೆ ಹೆಂಡತೀನ ಕರ್ಕೊಂಡು ಹೋದ ಗಂಡನದ್ದು. ಮೊದ್ಲು ಒಂದು ಬ್ಲಾಗ್ ಅಡ್ರೆಸ್ ಹಾಕ್ದೆ, ಅದು ಬೇಡ ಅಂತ ಅದರ ಬದಲಾವಣೆ ಶುರು ಆಯ್ತು, ನಂತರ ಬ್ಲಾಗ್ ಹೆಸರು, ಚೇಂಜ್ ಮಾಡಿ ಮಾಡಿ ಕೊನೆಗೊಂದಕ್ಕೆ ಒಪ್ಕೊಂಡ. ಆಮೇಲೆ ಟ್ಯಾಗ್ ಲೈನು, ಎಲ್ಲ ಮುಗಿದು ಆದ್ಮೇಲೆ ಬ್ಲಾಗ್ ಡಿಸೈನ್ ಟೆಂಪ್ಲೆಟ್ , ನನ್ ಫೇವರೀಟ್ ಬಣ್ಣ ನೀಲಿ ಮತ್ತು ಬಿಳಿ, ಅದರಲ್ಲೇ ಬೇಕು ಅಂತ ನೂರೈವತ್ತು ಸಲ ಟೆಂಪ್ಲೆಟ್ ಚೇಂಜ್ ಮಾಡಿಸ್ದ, ಕೊನೆಗೆ ಮೊತ್ತ ಮೊದಲು ಹಾಕಿದ್ದ ಟೆಂಪ್ಲೆಟ್ ಆಗ್ಬೋದು ಅಂದಾಗ ಮಗ್ನಿಗೆ ಬೂಟ್ಕಾಲಲ್ಲಿ ಒದೀಬೇಕು ಅನ್ನಿಸ್ತು !.

kanda

ಏನೇ ಇರ್ಲಿ, ಕನ್ನಡ ಅಕ್ಷರ ಲೋಕಕ್ಕೆ ಹೊಸದೊಂದು ಬ್ಲಾಗನ್ನು ನಿನ್ನೆ ಪರಿಚಯಿಸಿದ್ದೇವೆ. ಈತನ ಕವನಗಳು ನೀವು ಖಂಡಿತಾ ಓದಿರ್ತೀರ, ಪದಗಳ ಚಮತ್ಕಾರ ಚೆನ್ನಾಗಿ ಅರಗಿಸಿಕೊಂಡ ಭರವಸೆಯ ಪುಟ್ಟ ಕವಿ ಇವನು. ಕೀರ್ತಿಯ ಉತ್ತುಂಗ ಎರುವುದರಲ್ಲಿ ಸಂಶಯ ಇಲ್ಲ. ಈ ಬ್ಲಾಗನ್ನು ಲಾಲಿಸಿ ಪಾಲಿಸುವ ಜವಾಬ್ದಾರಿಯನ್ನು ನಿಮ್ಮ ಹೆಗಲಿಗೆ ಹಾಕ್ತಾ ಇದ್ದೇನೆ. ಕಂದ ಎಂಬ ಕಾವ್ಯನಾಮ ಇಟ್ಕೊಂಡಿರುವ ಇವನ ಅಂಕೆಯಿಲ್ಲದ ಭಾವದೊರತೆಗೆ ನಾವಿಟ್ಟ ಹೆಸರು “ಕಂದನೆದೆಯಿಂದ”. ಕನ್ನಡ ಬ್ಲಾಗ್ ಪ್ರಪಂಚದಲ್ಲಿ ಮಿನುಗು ತಾರೆಯಾಗಲಿ ಇವನ ಬ್ಲಾಗ್ , ಈ ಕನ್ನಡದ ಕಂದನಿಗೆ ಶುಭ ಹಾರೈಕೆಗಳು.

http://kandanedeyinda.blogspot.in/

Leave a comment

Blog at WordPress.com.

Up ↑

%d bloggers like this: