೧)
ಮಳೆ ಹೊಯ್ದಷ್ಟೂ ಕನಸುತ್ತೇನೆ
ಭಾವದ ಹಕ್ಕಿಯ ರೆಕ್ಕೆಗಳಿಗೆ
ಅಕ್ಷರವನ್ನು ಕಟ್ಟಿ
ಜಗದಗಲ ಹಾರುತ್ತೇನೆ…
ಮಳೆ ಹೊಯ್ದಷ್ಟೂ ಕನಸುತ್ತೇನೆ
ಭಾವದ ಹಕ್ಕಿಯ ರೆಕ್ಕೆಗಳಿಗೆ
ಅಕ್ಷರವನ್ನು ಕಟ್ಟಿ
ಜಗದಗಲ ಹಾರುತ್ತೇನೆ…
೨)
ಇಲ್ಲಿ ನಿಲ್ಲದ ಗಾಳಿ ಮಳೆ
ಮೊದಲ ಪ್ರೇಮದ ಹೈಕ್ಳು
ಗರಿ ಬಿಚ್ಚಿ ಸಂಭ್ರಮಿಸಿದರೆ
ಮುಖವಾಡದವರು ಹೆದರಿ
ಬಾಗಿಲು ಮುಚ್ಚಿದ್ದಾರೆ…
೩)
ಈ ಮಳೆಯಲ್ಲಿ ನೆನೆದವರೆಷ್ಟೋ..
ಹನಿಗಳು ದಕ್ಕಿಸಿಕೊಂಡವರೆಷ್ಟೋ..
ಕಳೆದ ಮಳೆಗೆ ನೆನೆದಿದ್ದ ಪ್ರೇಮಿ
ಈ ಮಳೆಗೂ ಮೈಯೊಡ್ಡಿದ್ದಾನೆ…
ನಡುವೆ ಕಣ್ಣೀರು ಸಂಗಮಿಸಿದ್ದು
ಯಾರಿಗೂ ತಿಳಿಯದಂತೆ….
೪)
ಮಳೆ ಬರಲಿ,
ಕರೆಂಟೂ ಕೈಕೊಡಲಿ..
ಚಿಮಿಣಿ ದೀಪಕ್ಕೆ ನಿನ್ನ ಮಚ್ಚೆಗಳು ಮತ್ತಷ್ಟು ಹೊಳೆಯಲಿ
ಅಂದಹಾಗೆ,
ಈ ಜೋಪಡಿಗೂ ಮಳೆಹಾನಿ
ಪರಿಹಾರ ಸಿಗಬಹುದಾ ?
Advertisements
